काठमाडौँ । भारतको गुजरातमा त्रिकोणात्मक टी–२० शृङ्खला (एसएमएस फ्रेन्डसिप कप) अन्तर्गत तेस्रो खेलमा नेपालले आज बरोडासँग प्रतिस्पर्धा गर्दैछ ।
खेल नेपाली समय अनुसार दिउँसो २ः४५ बजे साइ मेघपन स्पोर्ट्सलाइफ (एसएमएस) मैदानमा हुनेछ ।
नेपालले पहिलो खेलमा गुजरातलाई ८ विकेटले हराएको थियो । तर, दोस्रो खेलमा भने गुजरातले बरोडालाई ५ विकेटले पराजित गर्यो । शीर्ष दुई टोलीले फाइनल खेल्नेछन् ।
नेपाल एसीसी मेन्स प्रिमियर कप र टी–२० विश्वकपको तयारीका लागि भारत भ्रमणमा गएको हो ।
