काठमाडौं । पार्टी भित्रको अन्तरकलहका कारण अनौपचारिक विभाजन भइसकेको नेकपाका अध्यक्ष एवं प्रधानमन्त्री केपी ओली सरकार प्रमुखको हेसियतमा निर्वाचनको तयारी बारे छलफल गर्न आयोगको कान्तिपथ पुग्नुभयो । बैधानिकताको तानातानमा रहेको नेकपाका अध्यक्ष ओलीले पार्टी भित्रको विवादका बारेमा कुनै कुरा उल्लेख नगरी समान्य अवस्थामा झै निरर्वाचनको तयारी र सरकारले गर्नुपर्ने कामका बारेमा छलफल गर्नुभयो ।
प्रमुख आयुक्त दिनेश थपलियाले आयोगले हालसम्म गरेका कामको बारेमा जानकारी गराउँदै आगामी कार्य योजना समेत सुनाउनु भयो । प्रधानमन्त्री समक्ष प्रमुख आयुक्त थपलियाले निर्वाचन गराउन कानुनी समस्या नरहेको तर राजनीतिक वातावरणले प्रभाव पार्छ की भन्दै प्रधानमन्त्रीलाई जिज्ञासा राख्नु भएको थियो ।
आयोगले प्रधानमन्त्री समक्ष निर्वाचन कार्यबिधि, आचारसहिता सँगै आन्तरिक तयारीको काम गरिरहेको जनाउदै निर्वाचनमा लाग्ने खर्चको प्रारम्भिक अनुमान पनि पेश गरेको थियो । अर्थमन्त्री विष्णु पौडेललाई समेत उपस्थित छलफलमा आयोगले करिब सात अर्ब रुपियाँ खर्च हुनसक्ने विविरण पेश गरेको थियो ।
निर्वाचनको सुरक्षा, प्राबिधिक कार्य, अन्तराष्ट्रिय मान्यता, निर्वाचनको पर्यवेक्षणका लागि अन्तर्राष्ट्रिय पर्यवेक्षक बोलाउने गृहकार्य गरिरहको पनि प्रमुख आयुक्त थपलियाले जानकारी गराउनुभयो ।
