काठमाडौँ । आइसिसी टी–२० विश्वकपको तयारीस्वरुप पहिलो अभ्यास खेलमा आयरल्यान्ड ‘ए’ ले नेपाललाई जितको लागि १२२ रनको लक्ष्य दिएको छ ।
किर्तीपूरस्थित टियू क्रिकेट मैदानमा टस जितेर पहिला ब्याटिङ रोजेको आयरल्यान्डले निर्धारित २० ओभरमा सबै विकेट गुमाएर १२१ रन बनायो ।
आयरल्यान्डका स्टेफन डोहेनीले सर्वाधिक ४६ रन जोडे । उनले ३९ बलमा ४ चौका र २ छक्का हिर्काए । यस्तै, टम मेयस र लियाम मकार्थीले १६–१६ तथा फिओन ह्यान्डले ११ रन बनाउदा आयरल्यान्डका अन्य ब्याटरले दोहोरो अंकमा रन बनाउन सकेनन् ।
नेपालको लागि बलिङमा कुशल भुर्तेल, ललित राजवंशी र गुल्सन झाले दुई/दुई विकेट लिए । करण केसी र कुशल मल्लले समान एक विकेट लिए ।
अब नेपालले केहिबेरमा जवाफि ब्याटिङ गर्नेछ ।
