काठमाडौं । पेट्रोलियम पदार्थ र एलपी ग्याँस सिलिन्डरको मूल्य बृद्धि भएको छ । पेट्रोल, डिजेल, मट्टितेल र एलपी ग्याँसको मूल्य बढाएको नेपाल आयल निगमले बुधबार एक विज्ञप्ती जारी गर्दै बताएको हो ।
उक्त विज्ञप्ति अनुसार निगमले पेट्रोल, डिजेल र मट्टितेल लिटरमा दुई दुई रुपैयाँ बढाएको छ । अब पेट्रोल लिटरको १ सय १२ रुपैयाँ र डिजेल, मट्टितेल लिटरको ९५ रुपैयाँ कायम भएको छ ।
त्यस्तै ग्याँसको मूल्यमा २५ रुपैयाँ बढेको हो । अब एलपी ग्याँसको मूल्य १४ सय रुपैयाँ कायम भएको छ । यो मूल्य बुधबार राती १२ बजेबाट लागू हुनेछ।
