एजेन्सी । सेलिब्रेटी क्रिकेट लिग (सीसीएल २०२४) को उपाधि बंगाल टाइगर्सले जितेको छ । फाइनल खेलमा बेङ्गाल टाइगर्सले कर्नाटक बुलडोजरलाई १२ रनले पराजित गरेको थियो ।
बंगाल टाइगर्सले पहिलो पटक सीसीएलको उपाधि जितेर इतिहास रचेको छ । फाइनलअघिका दुई खेलमा कर्नाटक बुलडोजरसँग पराजित भएको बंगाल टाइगर्सले फाइनल जित्दै उपाधि जितेको हो । बंगाल टाइगर्स सीसीएल इतिहासमा पाँचौं विजेता टोली बनेको छ ।
फाइनल खेलमा बंगाल टाइगर्सले टस जितेर पहिले ब्याटिङ गर्ने निर्णय गरेको थियो । बंगाल टाइगर्सले पहिलो इनिङ्समा ४ विकेट गुमाएर ११८ रन बनाएको थियो । जेमीले २९ बलको सामना गर्दै अविजित ५७ रन बनाए । बंगाल टाइगर्सले पहिले ब्याटिङ गर्ने निर्णय सही थियो । पहिलो इनिङ्समा बंगालले ४ विकेट गुमाएर ११८ रन बनाएको थियो ।
जवाफमा कर्नाटक बुलडोजरले पहिलो इनिङ्समा ७ विकेट गुमाएर ८६ रन बनाउन सक्यो । यससँगै बंगाल टाइगर्सले पहिलो इनिङ्सको आधारमा ३२ रनको अग्रता लिएको थियो । दोस्रो इनिङ्समा बंगाल टाइगर्सले ४ विकेट गुमाएर १०५ रन बनाएको थियो । जेमी ३९ रनको इनिङ खेले ।
यसरी कर्नाटक बुलडोजरलाई १३८ रनको लक्ष्य प्राप्त भयो । जसलाई पछ्याउँदै कर्नाटक बुलडोजरले १२५ रन मात्र बनाउन सक्यो र बंगाल टाइगर्सले सीसीएल २०२४ को उपाधि जित्यो ।
सेलिब्रेटी क्रिकेट लिग सन् २०११ मा सुरु भएको थियो, जसमा धेरै स्टारहरु खेल खेलिरहेका देखिन्छन् । फ्यानहरु पनि स्टारहरुको खेल हेर्न आतुर हुन्छन् । विश्वभर करिब २५ करोड मानिसले सेलिब्रेटी क्रिकेट लिग हेर्छन् ।
सीसीएलमा जम्मा ८ टोलीको सहभागिता रहेको छ । सलमान खान, सोहेल खान, इन्द्रजीत, सोनु सुद, मनोज तिवारी जस्ता फिल्म इन्डस्ट्रीका धेरै दिग्गजहरूले यसमा भाग लिएका थिए ।
