काठमाडौँ । इंग्लिस प्रिमियर लिग फुटबलमा वेस्टहाम युनाइटेड र एस्टन भिल्लाले बराबरी खेलेका छन् ।
गएराति भएको खेलमा दुबै टिमले १–१ गोलको बराबरी खेल्दै अंक बाँडेका हुन् । घरेलु मैदान लण्डन स्टेडियममा वेस्टहामले २९ औं मिनेटमा माइकल एन्टोनीओको गोलबाट सुरुवाती अग्रता लिएको थियो । यता, ७९ औं मिनेटमा निकोलो जानीओलोले गोल गर्दै एस्टन भिल्लालाई हारबाट जोगाए ।
बराबरीसँगै एस्टन भिल्ला २९ खेलबाट ५६ अंकका साथ तालिकाको चौंथो स्थानमा छ भने वेस्टहाम ४४ अंकका साथ सातौं स्थानमा छ ।
