काठमाडौँ । त्रिकोणात्मक टी-२० शृंखलाको फाइनल खेलमा पपुवा न्यु गिनी (पीएनजी)ले नेपाललाई जितको लागि १७२ रनको बलियो लक्ष्य दिएको छ ।
हङकङमा टस हारेर पहिला ब्याटिङ गरेको पीएनजीले निर्धारित २० ओभरमा ८ विकेट गुमाएर १७१ रन बनायो ।
पीएनजीका टोनी उराले अर्धशतकिय ईनिङ खेले । उनले ३७ बलमा ५ चौका र ४ छक्कासहित ६१ रनको योगदान दिए । अलेइ नाओले ३०, हिला वारेले १८, हिरि हिरिले १५ र किप्लिन दोरिगाले १४ रन बनाए ।
नेपालको लागि कुशल भुर्तेल र आकाश चन्दले समान तीन तीन विकेट लिए । करण केसि र गुलशन झाले एक एक विकेट लिए ।
अब नेपालले केहिबेरमा जवाफि ब्याटिङ गर्नेछ ।
