काठमाडौँ । नेकपा (एमाले)का उपाध्यक्ष विष्णु पौडेलले सत्ताबाट मुक्त भएको कांग्रेसलाई धैर्यता राख्न आग्रह गर्नुभएको छ ।
प्रतिनिधि सभाको बैठकमा बोल्दै उपाध्यक्ष पौडेलले कांग्रेसलाई लागेको चोटमा एमाले मलमपट्टी गर्न तयार रहेको बताउनुभयो ।
संविधानले नै व्यवस्था गरेको छ, दलहरूबीच सहकार्य हुन्छ सरकार निर्माण गरिन्छ । दलहरू मिलेर सरकार बनाउन सक्छन् भनेपछि सरकार सञ्चालन गर्न सक्छन् कि सक्दैनन् ? संविधानले दिएको अधिकार हामीले प्रयोग गर्न पाउँछौँ कि पाउँदैनौँ ? त्यसो भए त सहकार्य र गठबन्धन केवल कांग्रेससँग मात्रै गर्न पाइन्छ भन्ने र लेख्नुपर्थ्यो नि । उहाँले भन्नुभयो ।
समीकरण परिवर्तन हुने स्वाभाविक संसदीय अभ्यासको रूपमा लिनुपर्ने उहाँको सुझाव छ ।
