काठमाडौं । राप्रपा नेपालका अध्यक्ष कमल थापाले सत्ता गठबन्धन बन्ने र भत्कने क्रमको यो अन्त्य नभएको भन्दै बिदेशी शक्तिको अभिप्रेरणा, उक्साहट र सौजन्यमा यो खेल निरन्तर जारी रहने टिप्पणी गरेका छन् ।
आज पार्टीको केन्द्रीय कार्य सम्पादन समिति बैठकमा मुलुकको पछिल्लो राजनीतिक घटनाक्रम बारे धारणा राख्दै थापाले यो अन्तिम गठबन्धन नभएको र आगामी दिनमा नयाँ नयाँ गठबन्धन बन्दै जाने समेत दाबि गरे। नितान्त निहित स्वार्थ , ब्यक्तिगत महत्वाकांक्षा र स्वार्थी मनोवृत्ति हाबी भएपछी गठबन्धन परिबर्तन भैरहनु अनौठो नहुने उनको तर्क थियो ।
मुलुकमा अस्थिरता सिर्जना गर्न चाहने र बिदेशी शक्तिको गोटि बन्न राजी हुने दलहरुको मुलुक र जनताको बृहत्तर हित कहिल्यै प्रमुखतामा नपरेको चर्चा गर्दै थापाले सिद्धान्त बिहिन ,नितिबिहिन ,आदर्श बिहिन गठबन्धनले निकास दिन नसक्ने समेत ठोकुवा गरे। “यो गठबन्धनको बिकल्पको खोजी शुरु भैसको छ , अस्थिरता नेपाली राजनीतिको अभिन्न चरित्र बनिसकेको छ” थापाले भने ।
साच्चिकै बैचारिक धुर्बिकरण हुने हो भने तेसलाई भने केही हदसम्म सकारात्मक रुपमा ग्रहण गर्न सकिने थापाको भनाई थियो । यो सन्दर्भमा ब्यबस्थाको बिकल्प खोज्न आन्दोलन बाहेक अर्को कुनै बाटो नभएको भन्दै थापाले बिचार मिल्नेहरुले आन्दोलनमा जानू पर्नेमा जोड दिए ।
“यो एउटा अबसर पनि हो, अब ब्यबस्थाको विपक्षमा भएका सबै मिलेर एउटा बलियो कन्जर्भेटिभ शक्ति बनाउदै आन्दोलन मार्फत भ्रष्ट तन्त्रको अन्त्य गरौ” थापाले भने । बैठकले आगामी चैत्र १ गते काठमाडौंमा गर्ने जनप्रदर्शनको तयारीमा जुट्न सबैलाई आग्रह समेत गरेको छ ।
