एजेन्सी । चर्चित भारतीय रियालिटी शो ‘इन्डियन आइडल १४’ को उपाधि वैभव गुप्ताले जितेका छन् । आइतबार राति भएको ग्राण्ड फिनालेमा वैभव विजेता बनेका हुन् । उनले उपाधिसँगै २५ लाख भारुको चेक र ‘हट एण्ड टेकी’ ब्रेजा कार पनि पाएका छन् ।
फिनालेमा वैभव गुप्तासहित आद्या मिश्रा, अनन्या पाल, पियुष पनवार, सुभदीप दास, अञ्जना पद्मनाभनबिच प्रतिस्पर्धा भएको थियो । शोमा शुभदीप दास उपविजेता घोषित हुँदा पियुष पनवार सेकेन्ड रनरअप भए । उनीहरुले ट्रफीसँगै ५ लाख भारुको चेक पाएका थिए ।
यस्तै, अनन्या पाल थर्ड रनरअप भइन् । उनले ट्रफीको साथमा तीन लाख भारु पुरस्कार पाइन् ।
यसैपालिको सिजनमा नेपालबाट मेनुका पौडेल पनि सहभागि भएकी थिईन् । उनी टप १०सम्म पुगेकी थिईन् ।
