काठमाडौं । त्रिकोणात्मक टी-२० सिरिज अन्तर्गत नामिबिया र नेदरल्यान्ड्सबीचको खेल वर्षाको कारण अवरुद्ध भएको छ ।
टीयु क्रिकेट मैदानमा टस हारेर पहिला ब्याटिङको नामिबियाले १५ ओभरमा ४ विकेट गुमाउँदै ९८ रन बनाएको अवस्थामा खेल रोकिएको छ ।
अहिले मैदानमा वर्षा भईरहेको छ । मैदान रेन कभरले ढाकिएको छ ।
भारी वर्षा हुँदा खेल प्रभावित भई रद्द भएमा नेदरल्यान्ड्स फाइनलमा पुग्नेछ । नामिबिया फाइनलमा पुग्न नेदरल्यान्ड्समाथि विशाल जित निकाल्नुपर्ने हुन्छ ।
शनिबार भएको खेलमा नेदरल्याण्ड्सलाई ६ विकेटले हराउदै नेपाल भने फाइनल पुगिसकेको छ । चार खेलमा दुई खेल जितेको नेपाल अंक तालिकाको दोस्रो स्थानमा रहँदै फाइनल प्रवेश गरेको हो ।
फाइनल खेल मंगलबार हुनेछ ।
