काठमाडौं । त्रिकोणात्मक टी-२० क्रिकेट श्रृंखलाको फाइनल प्रवेशका लागि नेदरल्याण्ड्स र नामिबियाले प्रतिष्प्रर्धा गर्दैछन् । यसैबिच नेदरल्याण्ड्सले टस जितेर फिल्डिङ गर्ने भएको छ । कीर्तिपुरस्थित टियू मैदानमा टस जितेर नेदरल्याण्ड्सका कप्तानले पहिला फिल्डिङ गर्ने निर्णय गरेका हुन् ।
आजको खेलले फाइनल प्रवेश गर्ने टोलीको टुंगो लाग्नेछ । शनिबार भएको खेलमा नेदरल्याण्ड्सलाई ६ विकेटले हराउदै नेपाल फाइनल पुगिसकेको छ । चार खेलमा दुई खेल जितेको नेपाल अंक तालिकाको दोस्रो स्थानमा रहँदै फाइनल प्रवेश गरेको हो । नेपाल र नेदरल्याण्ड्सको समान ४-४ अंक छ ।
नेदरल्याण्ड्स तीन खेलमा दुई जित र एक हारसहित अंक तालिकाको शिर्ष स्थानमा छ । दुई खेलमा हार र एक खेल जितेको नामिबिया नेदरल्याण्ड्सलाई भारी अन्तरले पराजित गर्दै फाईनल खेल्ने सोचमा हुनेछ ।
फाइनल खेल मंगलबार हुनेछ ।
