काठमाडौँ । साफ यू–१६ वुमन्स च्याम्पिनयसिप फुटबल आज शुक्रबारबाट सुरु हुँदैछ । सातदोबाटोस्थित एन्फा कम्प्लेक्समा हुने पहिलो खेलमा भारतले भुटानको सामना गर्नेछ ।
प्रतियोगितामा दक्षिण एसियाका चार टिमको सहभागिता छ । सुरुमा राउन्ड रोबिनको आधारमा खेल हुनेछन् भने शीर्ष दुई स्थानमा रहने टिमले फाइनल खेल्नेछन् ।
नेपालले शनिबार बंगलादेशविरुद्ध पहिलो खेल खेल्नेछ । फाइनल फागुन २७ मा हुनेछ । नेपाली टिमको प्रशिक्षकमा चक्र तामाङ छन् । नेपाली टिमको कप्तानमा भूमिका बुढाथोकी रहेकी छन् ।
