काठमाडौँ । इंग्लिस प्रिमियर लिग फुटबलमा एस्टन भिल्लाले सहज जित निकालेको छ । गएराति भएको खेलमा भिल्लाले नटिङहम फरेस्टलाई ४–१ गोलले पराजित गरेको हो । घरेलु मैदानमा भिल्लालाई जित दिलाउन डुगलास लुइजले दुई तथा ओली वाट्कीन्स र लिओन बेलीले एक–एक गोल गरे ।
नटिङहमका मोउसा नियाखटे र गिव्स ह्वाइटले गोल फर्काएपनि टोलीको हार टार्न सकेनन् । भिल्ला २६ खेलबाट ५२ अंकका साथ तालिकाको चौंथो स्थानमा छ । नटिङहम २४ अंकका साथ १६ औं स्थानमा छ ।
गएराति नै भएको अर्को खेलमा ब्राइटन र एभर्टनले एक–एक गोलको बराबरी खेल्दै अंक बाँडेका छन् । खेलको ७३ औं मिनेटमा जेरार्ड ब्रान्थवाइटले गोल गर्दै एभर्टनलाई सुरुवाती अग्रता दिलाएका थिए ।
यता, ९०+५ औं मिनेटमा लेविस डंकले गोल गर्दै ब्राइटनलाई हारबाट जोगाए । ब्राइटन ३९ अंकका साथ सातौं स्थानमा रहँदा एभर्टन २१ अंकका साथ १७ औं स्थानमा छ ।
