![](https://newspolar.com/wp-content/uploads/2024/02/425273067_813098720846510_913565767930947824_n.jpg)
काठमाडौँ । मैत्रीपूर्ण एकदिवसीय प्रतियोगितामा क्यानडा–११ विरुद्ध तेस्रो तथा निर्णायक खेलमा नेपाल ‘ए’ टोलीले अहिले ब्याटिङ गरिरहेको छ ।
काठमाडौँस्थित मुलपानी क्रिकेट मैदानमा टस हारेर पहिला ब्याटिङको निम्तो पाएको नेपालले २०.३ ओभरमा तीन विकेट गुमाएर ८३ रन बनाएको छ ।
नेपालको लागि आशुतोष घिरैयाले ४३ बलमा ५ चौकासहित २८ रन बनाएर आउट भए । यस्तै शेर मल्ल शुन्य रन बनाएर आउट भए । यस्तै, २०. ३ ओभरमा अर्जुन कुमाल २७ रन बनाएर आउट भए । अहिले क्रिजमा कप्तान सन्दीप जोरा (२३) र सुजन थपलिया रहेका छन् ।
तीन खेलको शृंखला हाल १–१ को बराबरीमा छ । आजको खेलमा विजयी हुने टोलीले शृंखला आफ्नो पक्षमा पार्नेछ । पहिलो एकदिवसीय खेलमा क्यानडा–११ ले नेपालको ‘ए’ टोलीलाई चार विकेटले हराएको थियो । दोस्रो खेलमा भने नेपालको ‘ए’ टोलीले क्यानडा–११ लाई दुई विकेटले हराएको थियो ।