एजेन्सी । भारत र इंग्ल्याण्डबीचको ५ टेस्ट सिरिजको तेस्रो खेल राजकोटमा जारी छ । निरञ्जन शाह रंगशालामा भएको पहिलो इनिङ्समा भारतले ४ सय ४५ रन बनाएको थियो भने इंग्ल्याण्डले ३१९ रन बनाएको थियो । भारतको अग्रता ५०० रन नाघेको छ ।
अहिले चौथो दिनको दोस्रो सत्रको खेल चलिरहेको छ । भारतले आफ्नो दोस्रो इनिङ्समा ४ विकेट गुमाएर ४१२ रन बनाएको छ ।
यशस्वी जैसवाल र सर्फराज खान क्रिजमा छन् । यशस्वीले लगातार दोस्रो खेलमा १२ छक्का प्रहार गर्दै दोहोरो शतक बनाएका छन् । सर्फराजको अर्धशतक पनि पूरा भएको छ । जैसवाल २१४ रन र सरफराज ६८ रनसहित क्रिजमा छन् ।
शनिबार, यशस्वीले अविजित १०४ रन बनाएर रिटायर्ड भएका थिए । आज शुभमनपछि उनी फेरि ब्याटिङ गर्न आएका हुन् ।
यशस्वीले आफ्नो इनिङ्समा हालसम्म १२ छक्का प्रहार गरिसकेका छन् ।
योसँगै उनी टेस्ट इनिङ्समा सबैभन्दा बढी छक्का प्रहार गर्ने भारतीय खेलाडी बनेका छन् । यसअघि नवजोत सिंह सिद्धुले सन् १९९४ मा श्रीलंकाविरुद्ध ८ छक्का प्रहार गरेका थिए ।
एक पारीमा सबैभन्दा बढी छक्का प्रहार गर्ने विश्व कीर्तिमान पाकिस्तानका वसिम अक्रमको नाममा छ । उनले सन् १९९६ मा जिम्बावेविरुद्ध १२ छक्का प्रहार गरेका थिए ।
