काठमाडौँ । एसिसी महिला प्रिमियर कप क्रिकेट प्रतियोगिता–२०२४ अन्तर्गत नेपालले मलेसियालाई ११६ रनको लक्ष्य दिएको छ ।
मलेसियाको क्वालालाम्पुरमा टस जितेर ब्याटिङ गरेको नेपालले २० ओभरमा ६ विकेट गुमाएर ११५ रन जोड्यो ।
नेपालका लागि इन्दु वर्माले २९, कविता कुँवरले २३, डली भट्टले २५, रुविना क्षेत्रीले २० रन जोडिन् । मलेसियाका लागि बलिङतर्फ मलेसियाका माहिरा इज्जाती इस्माइलले दुई तथा विनिफ्रेड दुराइसिंगमले एक विकेट लिइन् ।
नेपालले आजको खेल जितेमा आगामी सेप्टेम्बरमा आयोजना हुने एसिया कप क्रिकेटमा सहभागिता जनाउन पाउनेछ । प्रतियोगिताको फाइनलमा पुग्ने दुई टोलीले एसिया कप खेल्न पाउनेछन् ।
यसैबीच आजै भएको अर्को खेलमा थाइल्याण्डलाई ४ रनले हराउँदै यूएईले फाइनलमा स्थान पक्का गरिसकेको छ ।
