काठमाडौँ । च्याम्पियन्स लिग फुटबल अन्तर्गत म्यान्चेस्टर सिटीले जित निकालेको छ ।
गएराति भएको अन्तिम १६ को पहिलो लेगमा इंग्लिस क्लब सिटीले डेनिस क्लब कोपनहेगन एफसीलाई उसकै घरेलु मैदानमा ३–१ गोलले पराजित गरेको हो ।
सिटीलाई जित दिलाउन केभिन डि ब्रुएना, बर्नार्डो सिल्भा र फिल फोडेनले एक–एक गोल गरे । कोपनहेगनका माग्नस म्याटसनले एक गोल फर्काए ।
यस्तै गएराति नै भएको अर्को खेलमा स्पेनिस क्लब रियल मड्रिडले जर्मन क्लब आरबी लाइप्जिगलाई उसकै घरेलु मैदानमा १–० गोलले हरायो । रियलको जितमा एकमात्र निर्णायक गोल ब्राहिम डियाजले गरे ।
अब दोस्रो लेगका खेलहरु मार्च ७ मा हुनेछन् । जहाँ सिटी र रियलको घरेलु मैदानमा खेलहरु हुनेछन् ।
