एजेन्सी । बलिउडमा रेखा आफ्नो समयकी शीर्ष अभिनेत्रीमा गनिन्थ्यो । यति ठूलो अभिनेत्रीलाई पनि सेटमा गाली खानुपरेको देखेर तपाई छक्क पर्नुहुनेछ । यति मात्र होइन, गाली सुनेर रेखा धेरै रोइन् ।
यो किस्सा ३३ वर्ष अघिको हो । यसै क्रममा रेखा फिल्म ‘शेषनाग’ को सुटिङमा थिइन् । सेटमा उनको लोकप्रिय कोरियोग्राफर सरोज खानसँग झगडा भएको थियो । झगडाका क्रममा सरोज खानले रेखालाई धेरै गाली गरिन् । उनीहरुबीच किन झगडा भयो भन्ने कुरा त्यहाँ उपस्थित व्यक्तिले पनि बुझ्न सकेनन् ।
सन् १९९० को कुरा थियो, सरोज खान फिल्म ‘शेषनाग’का लागि रेखालाई नृत्य सिकाउँदै थिइन् । निर्माताले सरोज खानलाई नृत्य सिकाउन केही दिन मात्र दिएका थिए । रेखा सेटमा अलि ढिलो पुग्थिन् । सरोजले निर्मातालाई रेखालाई रिहर्सलका लागि समयमै आउन आग्रह गरेकी थिइन् ।
मिडिया रिपोर्टका अनुसार रेखाले एक दिन धेरै ढिलो गरिन् । उनको कारणले सिंगो युनिट कुर्नुपरेको थियो । अन्ततः रेखाको पर्खाइमा सरोज खान थाकेकी थिइन् र प्याक अप गर्नुपर्यो ।
रेखालाई ‘शेषनाग’मा कास्ट गर्ने निर्णय निर्देशक के.आर.रेड्डीको थियो । यस फिल्मका सबै गीतको कोरियोग्राफी सरोज खानले गरेकी थिइन् । यस फिल्मको ‘ओ मेरे दुश्मन’ गीतमा रेखालाई सरोज खानले नृत्य सिकाउँदै थिइन् । एक अन्तर्वार्तामा सरोज खानले रेखासँगको झगडाको कारण बताएकी थिइन् ।
‘लहरेन’ लाई दिएको अन्तर्वार्तामा सरोज खानले भनेकी थिइन्– म र रेखाबीच कुनै गलतफहमी थिएन । त्यो विवाद विनाकारण सिर्जना भएको हो । मैले केवल रेखा जीलाई सोधेँ, मलाई लाग्छ तपाईलाई मसँग समस्या छ । म तपाइलाई रिहर्सलको लागि बोलाउँछु, तर तपाई आउनुहुन्न । अहिले सुटिङका लागि आएकाले मेरो अवस्था ठिक नभएको भन्दै डान्स मास्टर परिवर्तन गर या निर्मातालाई मसँग काम गर्न नचाहेको भन्नुस् । तपाईलाई केहि समस्या हुनेछ । तपाईं मसँग काम गर्न चाहनुहुन्न ।’
सरोज खानको ७१ वर्षको उमेरमा ३ जुलाई २०२० मा निधन भएको थियो । उनले मुम्बईको गुरु नानक अस्पतालमा अन्तिम सास लिइन् ।
