काठमाडौं । नारायणहिटी दरबार सङ्ग्रहालयमा रहेको सिनेमा हल खुलाइने भएको छ । सङ्ग्रहालय हेर्न आउने गरेको अवलोकनकर्तालाई सिनेमा तथा डकुमेन्ट्री देखाइने गरि सिनेमा हल खुलाइने भएको हो ।
सङ्ग्रहालयमा रहेको सिनेमा हल दरबार हत्याकाण्डपछि बन्द रहेको थियो । नारायणहिटी दरबार सङ्ग्रहालय विकास समिति छिट्टै सिनेमा हल खुलाउन तयारी गरिरहेको जनाएको छ । सङ्ग्रहालय अवलोकनकर्ताले सिनेमा हलप्रति चासो देखाएका कारण सो हल खुला गर्न लागिएको हो ।
तत्कालीन राजपरिवारले हलमा स्वदेशी, विदेशी नयाँ पुराना फिल्म, डकुमेन्ट्री र राजपरिवारसँग सम्बन्धित फिल्म तथा भिडियो हेर्ने गरेका थिए । हलमा ११६ वटा सिट रहेका छन् ।
