काठमाडौँ । बोक्सीको आरोपमा हत्या गरी फरार रहेका अभियुक्तलाई प्रहरीले १५ बर्ष पछि पक्राउ गरेको छ ।
काठमाण्डौ उपत्यका अपराध अनुसन्धान कार्यालयले काभ्रेका टंक बहादुर मगर र सन्त बहादुर मगरलाई पक्राउ गरेको हो । उनीहरुले काका चमार सिंह मगर भन्ने जनक बहादुर मगरलाई कुटपिट पश्चात हत्या गरी फरार रहेका थिए ।
उनीहरु दुबैजनालाई आवश्यक कानूनी कारबाहिको लागि जिल्ला अदालत काठमाण्डौमा बुझाईएको कार्यालयले जनाएको छ ।
