नेकपा एमालेका अध्यक्ष केपी ओलीले एकलौटी गरेर पार्टीबाट आफ्नो पक्षका सबै नेताहरुलाई पदीय रुपमा मुक्त गराइदिएपछि रुष्ट बनेको एमालेका तत्कालीन वरिष्ठ नेता माधव कुमार नेपाल र झलनाथ खनालसहितको समूहले यही चैत ४ र ५ गतेका लागि आह्वन गरेको राष्ट्रिय कार्यकर्ता भेला नरोक्ने भएको छ ।
नेकपा एमालेका वरिष्ठ नेता माधवकुमार नेपाल र झलनाथ खनाल समूहले एमालेमा आफ्नो तर्फबाट समानान्तर कमिटी गठन गरी सोही बमोजिम अघि बढ्ने निर्णय गर्दै हालै चैत ४ र ५ गते आयोजना गरेको राष्ट्रिय कार्यकर्ता भेला बोलाएका छन् ।
आजैमात्र सो पक्ष र अध्यक्ष केपी शर्मा ओलीसहितका नेताहरुसँग छलफल गरेको थियो । सोमबार बिहान ११ बजेदेखि दुई घण्टा भन्दाबढी छलफल भए पनि ओली र नेपाल पक्षबीच कुरा मिल्न सकेको थिएन ।
सो छलफल गरेर फर्किएका नेता नेपाल समूहले राष्ट्रिय भेला नरोकिने निष्कर्ष निकालेको हो । ओली समूहसँगको सम्वाद सकारात्मक हुन नसकेकाले भेला नरोकिने नेता नेपालले बताएका छन् ।
धुम्बाराहीबाट फर्किएपछि खनाल र नेपाल समूहले बानेश्वरमा केन्द्रीय सदस्य तथा सांसदहरुको भेला राखेको थियो । उक्त भेलामा सहभागी एक नेताका अनुसार, ओलीसँगको छलफल निश्कर्षमा नपुगेकाले कुनै पनि नरोकिने निर्णय नेपालले सुनाएका छन् ।
यसैबीच उता प्रधानमनन्त्री ओलीले मंगलबार आफ्नो सरकारी निवास बालुवाटारमा चियापान कार्यक्रम आयोजना गरेका र नेपाल पक्षका नेताहरुलाई पनि बोलाएको बताएका छन् । तर पनि नेपाल र खनान समूहका नेताहरु भने उक्त चियापानमा नजाने बताएका छन् ।
नेपाल र खनाल समूहका नेताहरुले आफ्नो समूहका कोही पनि नेतालाइ नजान निर्देशन दिइएको एकजना नेताले जनाएका छन् ।
