एजेन्सी । अफगानिस्तानविरुद्धको दोस्रो टी–२० खेलमा भारत ६ विकेटले विजयी भएको छ । इन्दौरको होल्कर स्टेडियममा आइतबार भएको खेलमा भारतीय टोलीले १५.४ ओभरमा ४ विकेट गुमाएर १७३ रनको लक्ष्य पुरा गरेको थियो ।
ओपनर यशस्वी जैसवालले ३४ बलमा ६८ रनको इनिङ खेले भने शिवम दुबेले ३२ बलमा अविजित ६३ रन बनाए । यसअघि टस हारेर पहिले ब्याटिङ गरेको अफगानिस्तानले निर्धारित २० ओभरमा सबै १० विकेट गुमाएर १७२ रन बनाएको थियो ।
गुलबदिन नाइबले ३५ बलमा ५७ रन बनाए । भारतका अर्शदीप सिंहले तीन विकेट लिए ।
यो जितसँगै भारतीय टोलीले ३ खेलको शृङ्खलामा २–० को अग्रता बनाएको छ । सिरिजको तेस्रो खेल १७ जनवरीमा बैंगलोरमा हुनेछ ।
