अहमदाबादः भारत र इङल्यान्डबीच बिहीबार खेलिएको २०–२० क्रिकेट खेलमा भारतद्वारा इङल्यान्ड ८ रनले पराजित भएको छ । यो जितसँगै भारत–इङल्यान्डबीचको शृंखला फेरि २–२ को बराबर भएको छ ।
भारतले जितका लागि प्रस्तुत गरेको १८६ रनको लक्ष्य पछ्याएको इङल्यान्डले ८ विकेट गुमाएर १७७ रनमात्र बनाउन सक्यो ।
अब यस शृंखलाको एक खेल बाँकी छ ।
टस जितेर पहिले ब्याटिङको निम्तो पाएको भारतले ८ विकेट गुमाएर १८५ रन बनाएको थियो ।
भारतका लागि सूर्यकुमार यादवले ५७, रिषभ पन्तले ३०, श्रेयस ऐयरले ३७ रन बनाएका थिए ।
चुनौतीपूर्ण लक्ष्य पछ्याएको इङल्यान्डका लागि जेसन रोयले ४०, जोनी बेयरस्टले २५, बेन स्टोक्सले ४६ रन बनाएका थिए ।
भारतका लागि शार्दुल ठाकुरले ३ विकेट लिएका थिए भने राहुल चहर र हार्दिक पान्ड्याले २–२ विकेट लिएका थिए ।
