काठमाडौँ । नेकपा (एकीकृत समाजवादी) का अध्यक्ष एवं पूर्वप्रधानमन्त्री झलनाथ खनालले पार्टीमा उमेरहदको सान्दर्भिकता नै नभएको बताउनुभएको छ ।
पार्टीको नवौं महाधिवेशनमा ७० वर्षे उमेरहद राखिएपनि यसको सान्दर्भिकता नदेखिएको सम्मानित नेता खनालको भनाई थियो । बुधवारबाट ललितपुरमा शुरु भएको पार्टी केन्द्रिय कमिटी बैठकमा बोल्दै उहाँले लागू नगरिएकाले पार्टीमा उमेरहदको सन्दर्भ हराइसकेको दाबी समेत गर्नुभयो । सम्मानित नेता खनालले उमेरहद राख्ने तर विचारवान नेताहरु जन्माउन नसकिएको पनि स्मरण गराउनु भयो । उहाँले आगामी महाधिवेशनमा पार्टीमा युवाहरुको व्यापक उपस्थिति हुनेगरी विधान बनाउनुपर्ने कुरामा पनि जोड दिनुभयो ।
खनालले भन्नुभयो, ‘अस्तीको छैठौं केन्द्रिय कमिटी बैठकमा मैले एउटा सानोसानो सर्भे गरेको थिए । तपाईहामी नै ७२ परर्सेन्टनै ६० वर्ष माथिका रहेछौं । हामी पनि बुढाखाडा हुन अव धेरै रहेनछ । त्यसो हुनाले युवाहरुलाई हामीले व्यापक रुपमा अगाडि ल्याउनु पर्छ भन्ने प्रश्न यो तथ्यांंकले नै बताइहाल्यो । त्यसो हुनाले अव युवाहरुलाई हामीले प्रोत्साहित गर्नुपर्छ । सामान्य रुपमा ४० प्रतिशतसम्म गरौं भन्ने त आईसकेको छ है । त्यो भन्दा पनि अझै बढी गरौ भन्ने पनि छ ।’
‘तपाईहरुका सुझावहरु यसमा पनि आउनुपर्छ । त्यसै गरेर अव यो उमेरहदको कुरा । यो कुरा हामी नवौं महाधिवेशनतिर राखेका थियौं ७० वर्ष । उमेरहद चाँही राख्यौं तर त्यो भन्दा तलतिरको नेता चाँही जन्माउन सकिएन । यो दखद कुरा छ । उमेरहद राखेर मात्रै हुन्छ कि हुँदैन ? घाट राखिएर यसबाट छिर्न पाईदैन भनेर पुग्छ कि पुग्दैन ? त्यसो हुनाले विचारवान युवाहरुको पंक्ति विकास गर्ने कार्यभारलाई त अव पार्टीले प्र्र्र्र्राथमिकता दिएर जानु पर्नेनै छ । यो महाधिवेशनले पनि युवाहरुलाई व्यापक रुपमा ल्याउनुपर्ने आवश्यक्ता त यसै पनि छदैछ । अब यो उमेरहदकै कुरा चाहीँ के होला भन्ने बारेमा यसै हेर्दाखेरी यसको सान्दर्भिकतानै देखिँदैन । यसको सन्दर्भनै हराईसक्यो । यसलाई लागू पनि गरिएन, केही पनि गरिएन । यसमा पनि कमरेडहरुले सुझाव दिनुपर्यो ।’
सम्मानित नेता खनालले पार्टी कमिटीका आकारहरु पनि घटाउनुपर्ने प्रश्ताव गर्नुभयो । ठूलो कमिटी खर्चिलो र भद्दा हुने भएकाले यसको आकार कटौति गर्न आवश्यक रहेको उहाँको तर्क थियो ।
