पुणेः भारतले इङ्ल्यान्ड विरुद्ध दोस्रो एक दिवसीय क्रिकेट खेलमा जितका लागि ३३७ रनको विशाल लक्ष्य दिएको छ ।
टस हारेर पहिले ब्याटिङको निम्तो पाएको भारतले के एल राहुलको १०८ रनको शतकीय पालीको मद्दतले ६ विकेट गुमाएर ३३६ रन बनाएको थियो ।
भारतका लागि रिषभ पन्तले पनि ४० बलमा ७७ रन बनाएका थिए भने कप्तान विराट कोहलीले ६६, हार्दिक पान्ड्याले ३५, रोहित शर्माले २५ रन बनाएका थिए ।
फर्ममा देखिएका भारतीय ब्याट्सम्यानका अघिल्तिर इङ्ल्यान्डका बलरहरु फिक्का देखिएका थिए । खेलमा भारत हाबी भएर खेलेको देखिएको थियो ।
यी दुई बीच यसअघि भएको पहिलो एक दिवसीयमा भारतले जित हासिल गरेर तीन खेलको शृंखलामा १–० ले अग्रता बनाएको छ । तेस्रो तथा अन्तिम खेल पुणेमै आइतबार हुनेछ ।
एपी
