एजेन्सी । इंग्लिस फुटबल क्लब आर्सनल च्याम्पियन्स लिगको नकआउट चरणमा प्रवेश गरेको छ ।
गएराति भएको समूह चरणको खेलमा आर्सनलले फ्रेन्च क्लब लेन्स एफसीलाई ६–० गोलले पराजित गर्दै अन्तिम–१६ मा स्थान सुरक्षित गरेको हो ।
घरेलु मैदान इमिरेट्समा आर्सनलले खेलको पहिलो हाफमै ५ गोल गरेको थियो । आर्सनलको सहज जितमा काई हाभट्र्जले १३, गाब्रियल जेससले २१, बुकायो साकाले २३, गाब्रियल मार्टिनेलीले २७, मार्टिन ओडेगार्डले ४५.१ तथा जर्गिन्होले ८६ औं मिनेटमा (पेनाल्टी) गोल गरे ।
समूह बी कै अर्को खेलमा पिएसभीले सेभियालाई ३–२ गोलले पराजित गर्दै अन्तिम १६ मा स्थान बनायो ।
