एजेन्सी । भारतीय क्रिकेट टोलीका कप्तान रोहित शर्माले भने, ‘हामी यस प्रतियोगितामा जसरी खेल्दै आएका छौँ, त्यसरी नै फाइनल खेल्नेछौँ । हाम्रो दृष्टिकोणमा कुनै परिवर्तन हुने छैन । हामीले फाइनलको प्लेइङ इलेभेनको बारेमा अझै निर्णय गरेका छैनौं । हामी टसको समयमा पिचको अवस्था हेरेर निर्णय गर्नेछौं कि हाम्रो बल के हो र अष्ट्रेलियाको कमजोरी के हुन सक्छ ।’
रोहितले शनिबार प्रि–म्याच पत्रकार सम्मेलनमा यी कुराहरू भनेका हुन् । विश्वकप क्रिकेटको फाइनल खेल आइतबार अहमदाबादको नरेन्द्र मोदी स्टेडियममा भारत र अस्ट्रेलियाबीच हुँदैछ । खेल दिउँसो २ः१५ बजे सुरु हुनेछ ।
एक प्रश्नमा रोहितले भने कि यो ठूलो अवसर हो भन्नेमा कुनै शंका छैन । उनले भने – व्यावसायिक खेलाडीका लागि यो चुनौतीपूर्ण छ । हामीले जे सपना देखेका छौं, हामी त्यहाँ छौं । यो हाम्रो करियरको सबैभन्दा ठूलो अवसर हो र हामीले हाम्रो रणनीतिलाई अझ राम्रोसँग अपनाउनुपर्छ । हरेक दिन विश्वकपको फाइनल खेल्ने मौका पाउनु हुँदैन । म एकदिवसीय विश्वकप हेरेर हुर्केको छु, त्यसैले यो मेरो लागि सबैभन्दा ठूलो अवसर हो ।’
टस ठूलो कारक होइन
टसबारे रोहितले भने – पिचमा केही घाँस छ । भारत–पाकिस्तानको विकेट निकै सुख्खा थियो । मेरो बुझाइमा विकेट सुूत हुनेछ । हामी भोलि पिच हेरेर मूल्याङ्कन गर्नेछौं । तापक्रममा पनि केही कमी आएको छ । मलाई थाहा छैन कि शीतले खेललाई कसरी मद्दत गर्नेछ । टसले ठूलो भूमिका खेल्छ भन्ने मलाई लाग्दैन ।’
दुवै टोली फाइनलको हकदार, अष्ट्रेलियालाई हल्का रूपमा लिएका छैनौं
अष्ट्रेलियाले १० मध्ये ८ खेल जितेको छ । उनीहरूले राम्रो क्रिकेट खेलेका छन् र दुवै टोली फाइनल पुग्न योग्य छन् । हामीलाई थाहा छ अष्ट्रेलियाले के गर्न सक्छ । हामी के गर्न चाहन्छौं त्यसमा ध्यान केन्द्रित गर्न चाहन्छौं । हामी उनीहरू कस्तो फर्ममा छन् भन्ने चिन्ता लिन चाहँदैनौं, बरु हामीले हाम्रो क्रिकेट र योजनामा ध्यान केन्द्रित गर्नुपर्छ ।
