काठमाडौँ । विश्वकप छनोट अन्तर्गत समूह चरणको दोस्रो खेलमा नेपालले यमनसँग प्रतिस्पर्धा गर्ने भएको छ । नेपाल र यमनबीचको खेल काठमाडौँमा मंसिर ५ गते हुने भएको हो ।
अखिल नेपाल फुटबल संघ (एन्फा)का अनुसार दुई राष्ट्रबीचको खेल मंसिर ५ गते बेलुकी ७ बजे दशरथ रंगशालामा हुनेछ ।
यमनसँगको खेलअघि नेपालले यूएईसँग उसकै घरेलु मैदानमा कात्तिक ३० गते खेल्नेछ । यमन र यूएईुसँगै नेपाल रहेको समूहमा बहराइन पनि छ । नेपाल र बहराइनबीचको खेल भने मार्च २१ मा दशरथ रंगशालामा हुनेछ ।
एन्फा प्रवक्ता सुरेश शाहका अनुसार नेपाली राष्ट्रिय फुटबल टिमका प्रमुख प्रशिक्षक अल्बर्टो एनेससँगको सल्लाहमा नेपालाई फाइदा हुने गरी ओमानसँगको खेल बेलुकी ७ बजे खेलाउन लागिएको हो ।
विश्वकप छनोटका लागि एनेसले २६ जना खेलाडीलाई बन्द प्रतिक्षण गराइरहेका छन् । जसबाट २३ सदस्य छानिने छ । यस्तै, खेलका लागि टिकटको मुल्य साधारणा प्यारापिटतर्फ ४०० र भीआईपीतर्फ १ हजार रुपैयाँ तोकिएको छ ।
दोस्रो चरणको सम्पूर्ण खेलको कमर्सियल एन्ड मिडिया राइट सिगापुरस्थित स्पोर्टफाइभलाई प्रदान गरिएको एन्फाले जनाएको छ ।
