एजेन्सी । विश्वकप क्रिकेटमा दक्षिण अफ्रिकाविरुद्धको खेलमा शतक प्रहार गर्दै विराट कोहलीले सचिन तेन्दुलकरको बराबरी गरेका छन् ।
सचिनको नाममा ४९ ओडीआई शतक छ । कोहलीले अहिले ४९ शतक बनाएका छन् । यो खेलमा विराटले कुल ५ ठूला कीर्तिमान आफ्नो नाममा बनाएका छन् ।
विराटले सचिनभन्दा १७४ कम इनिङ्समा सचिनको कीर्तिमानको बराबरी गरेका छन् । सचिनले आफ्नो ४५१ औं इनिङ्समा ४९ औं शतक बनाएका थिए । जहाँ विराटको ४९ औं शतक २७७ औं इनिङ्समा आएको थियो । यो इनिङ्समा विराटले थप चार ठूला कीर्तिमान आफ्नो नाममा बनाए ।
सचिनको तुलनामा सीमित ओभरमा धेरै शतक
आज शतक प्रहार गर्दै विराट सीमित ओभरमा सर्वाधिक शतक प्रहार गर्ने खेलाडी बनेका छन् । कोहलीले एकदिवसीयमा ४९ र टी–२० मा एक शतक अर्थात कुल ५० शतक बनाएका छन् । यसअघि ४९ थियो ।
सचिनको नाममा ४६३ एकदिवसीय र एक टी–२० खेलमा ४९ शतक छ भने विराटले २८८ एकदिवसीय र ११५ टी–२० खेलमा ५० शतक बनाएका छन् ।
पहिलो इनिङ्समा शतकको आधारमा अमलालाई पछाडि छोडे
विराट कोहली चेज मास्टर भए पनि एकदिवसीयमा रन पछ्याउने क्रममा उनले सर्वाधिक २७ शतक प्रहार गरेका छन् । दोस्रो नम्बरमा रहेका सचिन शतकको मामिलामा कोहलीको नजिक पनि छैनन्, जसको नाममा १७ शतक छ, तर आज विराटले पहिलो इनिङ्समा शतक बनाएर कीर्तिमान बनाएका छन् ।
पहिले ब्याटिङ गर्दै उनले दक्षिण अफ्रिकाका हासिम अमलालाई पछि पार्दै २२ शतक बनाएका छन् । अमलाको नाममा पहिलो इनिङ्समा २१ शतक छ ।
विश्वकपमा सर्वाधिक रन बनाउने चौथो ब्याट्सम्यान
कोहलीले विश्वकपमा १५ सय रन पूरा गरेका छन् । उनी यस प्रतियोगितामा सर्वाधिक रन बनाउने ब्याट्सम्यानको सूचीमा चौथो स्थानमा छन् । यस सूचीमा सचिन तेन्दुलकर (२२७८)सँगै शीर्ष स्थानमा छन् । दोस्रो स्थानमा अस्ट्रेलियाका पूर्व कप्तान रिकी पोन्टिङ (१७४३) छन् ।
ओडीआईमा आफ्नो जन्मदिनमा शतक बनाउने सातौं खेलाडी
दक्षिण अफ्रिका विरुद्ध शतक प्रहार गर्दै विराट कोहली एकदिवसीय क्रिकेटमा आफ्नो जन्मदिनमा शतक बनाउने सातौं खेलाडी बने । यसअघि यो उपलब्धि विनोद काम्बली, सचिन तेन्दुलकर, सनथ जयसूर्या, रस टेलर, टम लाथम र मिचेल मार्सले गरेका थिए ।
