काठमाडौं । त्रिकोणात्मक टि–२० अन्तर्राष्टिय सिरिजअन्तर्गत यूएईविरुद्ध विष्फोटक ब्याटिङ गरेका दीपेन्द्र सिंह ऐरी म्याच अफ द म्याच चुनिएका छन् । छैटौं नम्बरमा आएका उनले १५ बलमै ४० रन बनाउदै नेपाललाई जितसम्म पुर्याएका थिए ।
नेपालले सुरुवाती ३ ओभरमै ओपनर कुशल भुर्तेल, सोमपाल कामी र कुशल मल्लको साथ गुमाएको थियो । त्यसपछि कप्तान रोहितकुमार पौडेल र आसिफ शेखले ९९ रनको साझेदारी गर्दै नेपाललाई खेलमा कायम राखेका थिए । आसिफले १६ औं ओभरमा आउट हुनुअघि ५० बलमा ६ चौका र २ छक्का प्रहार गर्दै ६२ रनको योगदान दिए । त्यसपछि, दीपेन्द्र र रोहितले पाँचौ विकेटका लागि १५ बलमा ३७ रनको आक्रामक साझेदारी गर्दै नेपाललाई जिततर्फ डोर्याएका थिए ।
जितका लागि नेपाललाई ३३ बलमा ५५ रन चाहिएको बेला मैदानमा उत्रीएका दिपेन्द्रले १५ बलमा ६ चौका र एक छक्का प्रहार गर्दै ४० बनाउदै टीमलाई जिताए । जुन म्यान अफ द म्याच साबित भयो ।
यो पनि पढ्नुहोस्ः दिपेन्द्रको बिस्फोटक ईनिङमा नेपालले युएईलाई पाँच विकेटले हरायो
