काठमाडौँ । फिफा विश्वकप एसियाली छनोट खेलको लागि नेपालले लाओससँगको को सुरुवाती ११ सार्वजनिक गरेको छ ।
नेपाली टोलीका प्रमुख प्रशिक्षक भिन्सेन्जो अल्बर्टो अनेसेले गोलकिपर किरण चेम्जोङको कप्तानीमा नेपालको सुरुवाती ११ घोषणा गरेका हुन् ।
नेपालको डिफेन्समा रोहित चन्द, अनन्त तामाङ, सनिश श्रेष्ठ र आशिष चौधरी रहँदा मिडफिल्डमा लाकेन लिम्बु, आयुष घलान, र आवास लामिछाने तथा फरवार्डमा अन्जन विष्ट, मनिष डाँगी र जिलेस्पे जंग कार्की रहेका छन् ।
दुवै टिम पहिलो चरणमा जित निकाल्दै दोस्रो चरणमा आफूलाई सुरक्षित गर्न चाहन्छन् । दोस्रो चरणमा पुग्ने टोलीले एसियाका शीर्ष देशसँग होम एण्ड अवेका आधारमा छनोट खेल्ने अवसर पाउनेछन् ।
यो खेल क्यानाडा, अमेरिका र मेक्सिकोमा २०२६ मा हुने विश्वकपको सुरुवाती चरणको छनोट खेल हो । राउण्ड-२ आगामी साता लाओसमा हुनेछ । दुई लेगमा उत्कृष्ट रहने टिम दोस्रो चरणमा पुग्नेछ । फिफा वरियतामा लाओस एक सय ८६औँ र नेपाल एक सय ७५औँ स्थानमा छन् ।
नेपालको सुरुवाती ११:
किरण चेम्जोङ्ग (कप्तान), सनिश श्रेष्ठ, अनन्त तामाङ्ग, रोहित चन्द, आशिष चौधरी, लाकेन लिम्बु, आवास लामिछाने, मनिष डाँगी, आयुष घलान, अन्जन विष्ट, जिलेस्पे जंग कार्की
