काठमाडौं । हालै अष्ट्रेलिया गएका राष्ट्रिय फुटबल टीमका फरवार्ड विमल घर्तिमगर नेपाल सुपर लिग (एनएसएल) खेल्ने भएका छन् । उनी नेपाल सुपर लिगमा आइकनिक प्लेयरका रुपमा सहभागी हुन लागेका हुन् ।
सामाजिक सञ्जालमार्फत जानकारी गराउदै विमलले चितवन एफसीबाट खेल्ने बताएका छन् । फेरि पनि आफ्नो माटोमा खेल्ने सुवर्ण मौका दिएको भन्दै उनले क्लबलाई धन्यवाद दिएका छन् ।
‘उमेर को बड्दो क्रम सङै जिम्मेवारी र ब्यवहारिक पन पनि बड्ने रहेछ । त्यसै क्रम मा आफ्नो र परिवार को उज्ज्वल भबिस्य बनाउन को निम्ति आफ्नो प्राण प्यारो देश प्रती को माया र लगाव लाई एक्छिन थाती राखेर अष्ट्रेलिया आउने निधो गरे । तर पनि मलाइ माया गरेर पुन मलाइ आउदै गरेको नेपाल सुपर लिग मा आइकनिक प्लेयरको रुपमा फेरि पनि आफ्नो माटो मा खेल्ने सुबर्ण मौका दिनु भएको मा चितवन एफसि लाई लाई हार्दिक धन्यवाद ज्ञापन गर्न चाहान्छु ।’, बिमलले लेखेका छन् ।
एनएसएलको दोस्रो संस्करण आगामि मंसिर ८ गतेबाट सुरु हुँदैछ । एनएसएलका लागि गत शनिबार खेलाडीहरुको अक्सन भएको थियो । देश छोडिसकेकाले अक्सनमा बिमलको नाम भने आएको थिएन । उनले अष्ट्रेलिया जानुअघि ललितपुर सिटी एफसीसँग गरेको सम्झौता रद्द गरेका थिए ।
एनएसएलको प्रावधानअनुसार देशबाहिर खेलिरहेका खेलाडीलाई क्लबले आइकनिक खेलाडीका रुपमा अनुबन्ध गरेर खेलाउन सक्छन् । त्यसै अन्तर्गत बिमललाई चितवन एफसीले अनुबन्ध गरिएको हो ।
https://www.facebook.com/Bimal.Gharti.Magar.NET/posts/908321760661786?ref=embed_post
