काठमाडौँ । काठमाडौँमा चिकित्सकहरु पनि सडक प्रदर्शनमा उत्रिएका छन् ।
आफूहरूमाथि श्रृंखलाबद्ध आक्रमण हुन थालेपछि सुरक्षा माग्दै चिकित्सकहरु सडकमा निस्किएका हुन् ।
चिकित्सकहरु पनि सुरक्षित वातावरणमा काम गर्न पाउनुपर्ने माग लिएर प्रदर्शनमा निस्किएका हुन् । सोमबार मात्र पोखरास्थित मणिपाल शिक्षण अस्पतालमा सहकर्मीमाथि आक्रमण भएपछि चिकित्सकहरु आक्रोशित बनेका छन् ।
चिकित्सकहरुले कार्यस्थलमा सुरक्षाको प्रत्याभूति हुनुपर्ने, स्वास्थ्यकर्मी तथा स्वास्थ्य संस्थाको सुरक्षासम्बन्धी संशोधन ऐन कार्यान्वयन गर्नुपर्ने आवाज उठाएका छन् ।
चिकित्सकहरुले माइतीघरमा विरोध प्रदर्शन गर्दै उपप्रधानमन्त्री एवं गृहमन्त्री नारायणकाजी श्रेष्ठ र स्वास्थ्यमन्त्री मोहनबहादुर बस्नेतको राजीनामा मागेका छन् ।
