काठमाडौँ । प्रधानमन्त्री पुष्पकमल दाहाल प्रचण्डले सेटिङबिना क्वीन्टलका क्वीन्टल सुन भित्रिन सम्भव नभएको बताउनुभएको छ ।
शुक्रबार समाजवादी मोर्चाले पोखरामा आयोजना गरेको कार्यक्रममा सम्बोधन गर्दै उहाँले विमानस्थलबाट क्वीन्टल सुन तस्करी भएको थाहा पाएपछि सरकारले कारबाही गरेकोे बताउनुभएको छ ।
प्रधानमन्त्री प्रचण्डले सुन तस्करीलाई रोक्न नसके अर्थतन्त्र बलियो हुन नसक्ने भएकाले सरकारले तत्कारीमाथि अंकुश लगानुपर्ने जिकिर गर्नुभयो। ‘नेपालको विमानस्थलबाट क्वीन्टलको क्वीन्टल सुन भित्रिँदो रहेछ । त्यतिधेरै सुन सेटिङबीना भित्रिन सम्भव छैन । ठूलो मात्रामा विमानस्थलबाट सुन तस्करी भएको थाहा पाएपछि सरकारले कारबाही गरेको हो । सुन तस्करी नरोकेसम्म अर्थतन्त्र बलियो हुने छैन’, उहाँले भन्नुभयो ।
प्रधानमन्त्री प्रचण्डले सुशासनको पक्षमा सरकार कडा ढंगले अगाडि बढ्ने बताउनुभयो ।
