काठमाडौँ । एसिया कप २०२३ को समूह बी को पहिलो खेलमा बंगलादेश ब्याटिङमा उत्रेको छ । पल्लेकेले अन्तर्राष्ट्रिय क्रिकेट रंगशालामा श्रीलंकाविरुद्ध टस जितेर बंगलादेशले पहिला ब्याटिङ रोजेको हो ।
६ पटकको उपाधि विजेता श्रीलंकाविरुद्ध बंगलादेशले एक विकेट गुमाएको छ । बंगलादेशका ओपनर तान्जिद तमिम १.२ ओभरमा शुन्य रन बनाएर महेश थेक्षानाको बलमा एलबिडब्ल्यू आउट हुन पुगे ।
ताजा स्थितीमा बंगलादेशले ३.२ ओभरमा एक विकेट गुमाएर ९ रन बनाएको छ ।
एसिया कपमा समूह ए मा नेपाल, भारत र पाकिस्तान छन् भने समूह बी मा बंगलादेश, श्रीलंका र अफगानिस्तान छन् । हिजो भएको सुमुह ए को पहिलो खेलमा आयोजक पाकिस्तानले नेपाललाई २३८ रनले पराजित गरेको थियो ।
श्रीलंकाको प्लेइङ ११– पाथुम निसान्का, दिमुथ करुणारत्ने, कुसल मेन्डिस (विकेटकीपर), सदीरा समरविक्रमा, चरित असालान्का, धनंजया डी सिल्भा, दासुन शानाका (कप्तान), दुनिथ वेललागे, महेश थेक्षाना, कसुन रजिथा, मथिशा पाथिराना।
बंगलादेशको प्लेइङ ११–मोहम्मद नइम, तान्जिद तमिम, नजमुल हुसेन शान्तो, तौहिद ह्रिदोय, शकिब अल हसन (कप्तान), मुशफिकुर रहिम (विकेटकिपर), मेहेदी हसन, महेदी हसन, तस्किन अहमद, शोरिफुल इस्लाम, मुस्ताफिजुर रहमान ।
