काठमाडौं । प्रधानमन्त्री पुष्पकमल दाहाल ‘प्रचण्ड’ले एसिया कप क्रिकेट खेल्ने नेपाली टीमलाई जितको शुभकामना दिनुभएको छ ।
पाकिस्तानमा रहेको नेपाली टीमसँग भर्चुअल कुरा गर्दै प्रधानमन्त्रीले जितका लागि शुभकामना दिनुभएको हो ।
प्रधानमन्त्रीले नेपालले राम्रो नतिजा निकाल्ने विश्वास व्यक्त गर्दै खेल क्षेत्रको विकास र खेलाडीहरूको हितका निम्ति आफूले हमेसा ध्यान दिएको बताउनुभयो ।
यस्तै, नेपाली टीमका कप्तान रोहित पौडेलले पनि टोलीले राम्रो तयारी गरिरहेको र सोहिअनुरुप प्रतिस्पर्धामा प्रस्तुति रहने जनाए ।
नेपालले आज एसिया कपको उद्घाटन खेलमा घरेलु टोली पाकिस्तानसँग प्रतिस्पर्धा गर्दैछ ।
यो पनि पढ्नुहोस्: एसिया कप आजदेखि, नेपालले पाकिस्तानसँग खेल्दै
