एजेन्सी । पाकिस्तानले तेस्रो ओडिआइ खेलमा अफगाानिस्तानलाई सिरिज क्लिनस्वीप गरेको छ ।
शनिबार भएको खेलमा अफगाानिस्तानलाई ५९ रनले हराउँदै पाकिस्तानले क्लिनस्वीप गरेको हो । यससँगै आइसिसीको ओडिआई वरियतामा पाकिस्तान शीर्षस्थानमा उक्लिएको छ । ओडिआई वरियतामा अष्ट्रेलिया दोस्रो, भारत तेस्रो, न्युजिल्यान्ड चौथो र इंग्ल्यान्ड पाँचौं स्थानमा छन् ।
जितको लागि पाकिस्तानले दिएको २ सय ६९ रनको लक्ष्य पछ्याएको अफगानिस्तान ४८.४ ओभरमा २ सय ९ रनमा अल आउट भयो । अफगानिस्तानका लागि स्पिनर मुजिब उर रहमानले सर्वाधिक ६४ रन बनाए ।
ओपनर रियाज हसनले ३४ रन बनाउँदा रहमानउल्लाह गुरवाज ५ रनमा आउट भए । यस्तै, साहिदुल्लाह कमलले ३७ रन बनाउँदा अफगानिस्तानका अन्य कुनै ब्याटरले राम्रो खेल्न सकेनन् ।
पाकिस्तानका शादब खानले सर्वाधिक ३ विकेट लिदा शाहिन शाह अफ्रिदी, फहीम अशरफ र मोहम्मद नवाजले समान दुई विकेट लिए ।
त्यसअघि कोलोम्बोमा टस जितेर पहिला ब्याटिङ गरेको पाकिस्तानले निर्धारित ५० ओभरमा ८ विकेट गुमाउँदै २ सय ६८ रन बनाएको थियो ।
पाकिस्तानका विकेटकिपर मोहम्मद रिजवानले सर्वाधिक ६७ रनको योगदान दिएका थिए । तेस्रो विकेटका लागि कप्तान बाबर र रिजवानले १ सय १० रनको शतकीय साभेदारी गरेका थिए । बाबरले ६० रन बनाएका थिए ।
ओपनर फखार जमान २७, इमाम उल हक १३, मोहम्मद नवाज ३०, साउद सकिल ९ र अघा सलमान ३८ रनमा नट आउट रहे ।
अफगानिस्तानका फरिद अहमद र गुलबदीन नाइबले समान दुई विकेट लिए भने राशिद खान, मुजिब उर रहमान र फजलहक फारुकीले समान एक विकेट लिएका थिए ।
सिरीजको पहिलो खेलमा पाकिस्तान १ सय ४२ रन र दोस्रो खेलमा एक विकेटले विजयी भएको थियो ।
