काठमाडौं । युनियन हाइड्रोपावर लिमिटेडको नाफा तेस्रो त्रैमासमा १५ प्रतिशतले बढेको छ । गत आवको तेस्रो त्रैमाससम्ममा रू. ७७ लाख ८८ हजार नाफा कमाएको उक्त कम्पनीको नाफा चालू आवको सोही अवधिमा वृद्धि भएर रू. ८९ लाख ६७ हजार पुगेको हो।
कम्पनीको चुक्तापूँजी रू. ७५ करोड रहेको छ भने जगेडा कोष रू. ७ करोड ४२ लाख ७८ हजार ऋणात्मक रहेको छ । कम्पनीको प्रतिशेयर आम्दानी रू. २.३९, मूल्य आम्दानी अनुपात ५४.८१,तरलता अनुपात ९.१६ र प्रतिशेयर नेटवर्थ रू. ९०.१० रहेको छ ।
चालू आवको तेस्रो त्रैमासमा कम्पनीको विद्युत् विक्री आम्दानीमा वृद्धि भएकाले नाफा बढेको हो । कम्पनीले गत आवको तेस्रो त्रैमासमा रू. ५ करोड ३९ लाख विद्युत् विक्री आम्दानी गरेकोमा चालूआवको सोही अवधिमा वृद्धि भएर रू. ५ करोड ४५ लाख पुगेको हो ।
