काठमाडौं । नेकपा (एमाले) निकट राष्ट्रिय युवा संघका अध्यक्ष क्षितिज थेबेमाथि आक्रमणको प्रयास भएको छ ।
उनीमाथि पहिचानवादी आन्दोलनकारीले आक्रमणको प्रयास गरेका हुन् ।
थेबेमाथि युवा संघको धनकुटा जिल्ला भेला तथा प्रशिक्षणका लागि चौबीसे गाउँपालिका जाने क्रममा ढुंगामुढा भएको युवा संघका इन्चार्ज महेश बस्नेतले जानकारी दिए ।
जसपा नेता आङकाजी शेर्पाको उक्साहटमा नियोजित रुपमा आक्रमण प्रयास भएको भन्दै सरकारले अराजकहरुलाई नियन्त्रण नगरे प्रतिरोधमा उत्रिने बस्नेतले चेतावनी दिएका छन् ।
कोशी प्रदेशको नामाकरणको विरोधमा रहेका पहिचानवादीहरु पछिल्लो समय नेकपा एमालेका नेताहरुमाथि निरन्तर आक्रमणको प्रयासमा उत्रिएका छन् ।
