काठमाडौँ । एसिया कप तयारीका लागि पाकिस्तानमा रहेको नेपाली राष्ट्रिय क्रिकेट टिमले अभ्यास खेल खेल्ने भएको छ ।
नेपालले पाकिस्तानका स्थानीय क्लब तथा पहिलो श्रेणी खेलाडीलाई मिश्रित गरी उनीहरुसँग तयारीका लागि शनिबार अभ्यास खेल खेल्ने भएको हो ।
नेपाली टोली हाल कराँचीमा अभ्यास गरिरहेको छ । पाकिस्तानको मौसम तथा खेलसँग अभ्यस्त गराउन अभ्यास खेलको तयारी गरिएको जनाइएको छ ।
नेपालले ३० अगष्ट भदौ १३ मा मुल्तानमा घरेलु टिम पाकिस्तानको सामना गर्दैछ । त्यसपछि नेपाल भारतसँगको खेलका लागि भने श्रीलंका जानेछ । नेपालले दोस्रो खेल सेप्टेम्बर ४ (भदौ १८) मा भारतविरुछ खेल्नेछ ।
