एजेन्सी । घरेलु टोली युएईलाई हराउदै न्युजिल्यान्डले टि२० आईको उपाधि जितेको छ । आईतबार भएको निर्णायक खेलमा युएईलाई ३२ रनले हराउँदै न्युजिल्यान्डले तीन खेलको सिरिज २–१ ले जितेको हो ।
जितको लागि न्युजिल्यान्डले दिएको १ सय ६७ रनको लक्ष्य पछ्याएको युएईले निर्धारित २० ओभरमा ७ विकेट गुमाउँदै १ सय ३४ रन मात्र बनायो। युएईका आयन खानले सर्वाधिक ४२ रन बनाए । बासिल हामिद २४ रनमा अविजित रहँदा ओपनर अर्यांश शर्मा १६, मोहम्मद वासिम ८, वृत्य अरविन्द १२ र आसिफ खान ११ रन बनाए ।
न्युजिल्यान्डको जितमा तीव्र गतिका बलर बेन लिस्टरले ३ विकेट लिए । यस्तै, काइल जेमिसन, मिचेल सान्टनार र आदित्य अशोकले समान एक एक विकेट लिए ।
त्यसअघि दुबई इन्टरनेशल क्रिकेट स्टेडियममा टस हारेर पहिला ब्याटिङ गरेको न्युजिल्यान्डले निर्धारित २० ओभरमा ५ विकेट गुमाउँदै १ सय ६६ रन बनाएको थियो ।
न्युजिल्यान्डका विल योंगले सर्वाधिक ५६ रन बनाएका थिए । मार्क च्यापम्यान ५१ रन बनाउँदा मिचेल सान्टनार २०, डेन फक्सक्रोफ्ट १०, टिम सिफर्ट १३ र चाद बोवेस ९ रन बनाए ।
युएईका तीव्र गतिका बलर जुनैद सिद्दिकले सर्वाधिक ३ विकेट लिए । मोहम्मद जवादुल्लाह र जहुर खानले समान एक विकेट लिए ।
न्युजिल्यान्ड पहिलो खेलमा १९ रनले विजयी भएको थियो भने दोस्रो खेलमा युएईले ७ विकेटले पराजित गरेको थियो ।
