काठमाडौं । अमेरिकी विदेश मन्त्रालयबाट यस वर्षको “ग्लोबल एन्टी–रेसिज्म च्याम्पियन्स अवार्ड” बाट सम्मानित अभियन्ता सरस्वती नेपालीलाई नेकपा एमालेका अध्यक्ष केपी ओलीले बधाई तथा शुभकामना व्यक्त गर्नुभएको छ ।
अमेरिकाबाट सम्मान लिएर फर्केपछि एमाले अध्यक्ष ओलीलार्य भेट्न नेपाली बालकोट पुग्नु भएको थियो । अमेरिकी विदेश मन्त्रालयबाट यस वर्षको “ग्लोबल एन्टी–रेसिज्म च्याम्पियन्स अवार्ड” नेपाली सहित विश्वका छ जनालाई प्रदान गरेको थियो ।
उक्त अवार्ड साउन २५ गते वासिङटन डिसीमा आयोजित एक कार्यक्रममा अमेरिकी विदेश मन्त्री एन्थोनी ब्लिन्केनले प्रदान गर्नु भएको थियो ।
सीमान्तकृत समुदायको मानव अधिकारका क्षेत्रमा नागरिक समाजका तर्फबाट विशिष्ट योगदान गरेको भन्दै उक्त अवार्ड प्रदान गरिएको जनाईएको छ ।
पुरस्कृत नेपाली दलित समाज विकास मंचकी अध्यक्ष हुनुहुन्छ । उहाँ दलित समेतका सीमान्तकृत समुदाय, अशक्त तथा गरिबीको चपेटामा रहेका व्यक्ति र समुदायको मानव अधिकारका लागि निरन्तर संघर्षशील रहनु भएको छ ।
यो पुरस्कारबाट कारी कुजाजारा (ब्राजिल), ओस्वाल्डो बिल्बाओ लोबाटोन (पेरू), रानी यान यान (बंगलादेश), साडिया मोस्बाह (ट्युनिसिया) र भिक्टोरिया लुका ९मोल्दोभा० पनि पुरस्कृत हुनु भएको छ ।
