काठमाडौं । जनता समाजवादी पार्टी (जसपा)ले आफ्नो नेतृत्वमा सरकार बन्ने अवसर आए तयार रहने बताएको छ ।
जसपाका दुई अध्यक्ष महन्थ ठाकुर र उपेन्द्र यादवले मंगलवार संयुक्त वक्तव्य जारी गर्दै पार्टीलाई विधि पद्धति अनुसार अघि बढाउने बताएका हुन् ।
विज्ञप्तीमा तत्काल जसपा सरकारमा नजाने तर आफ्नै नेतृत्वमा सरकार बन्ने अवस्था आएमा वा राष्ट्रिय सहमतिको सरकार बन्ने अवस्थामा भने सहभागी हुने उल्लेख गरिएको छ ।
विभाजनको डिलमा पुगिसकेको जसपाको कार्यकारिणी समितिको बैठक जेठ ८ र ९ गते बोलाउन दुई अध्यक्ष सहमत भएसँगै पार्टी विवाद समाधानतर्फ उन्मुख भएको देखिन्छ ।
