काठमाडौँ । एमाले कार्यकर्ताको बीचमा थप विवाद बढ्न नदिन सामुहिक अपिल गर्ने निर्णय गर्दे नेकपा )एमाले) अ भित्रको अन्तरसंर्घष समाधान गर्न गठित कार्यदलको बैठक सकिएको छ । प्रधानमन्त्री तथा मन्त्रिपरिषद्को कार्यालयमा सिंहदरबारमा बसेको बैठकले सहमतिहरू निर्माणका लागि एउटा कार्यविधि र आचारसंहिता तयार गर्ने पनि निर्णय गरेको छ ।
बैठकले देशैभर कार्यकर्ताको बीचमा एकताको भावना सञ्चार गराउने निर्णय समेत गरेको नेता भीम रावलले जानकारी दिनुभयो ।आजको बैठकमा कार्यदलका सदस्य शंकर पोखरेल बाहेकका सबै सदस्य उपस्थित रहनुभएको थियो ।
अध्यक्ष केपी ओली र बरिष्ठ नेता माधब नेपाल बीच सहमति भएपछि पार्टीभित्रको आन्तरिक विवाद समाधानका लागि गठित १० सदस्यीय कार्यदल गठन भएका थियो ।
उक्त कार्यदलमा ओली पक्षबाट सुवास नेम्वाङ, शंकर पोखरेल, विष्णु पौडेल, प्रदीप ज्ञवाली र विष्णु रिमाल छन् चने नेपाल पक्षबाट डा। भीम बहादुर रावल, रघुजी पन्त, घनश्याम भुषाल, गोकर्ण विष्ट र सुरेन्द्र पाण्डे छन् । पार्टीलाई ०७५ जेठ २ गते फर्काउनुपर्ने अडान नेपाल पक्षले राखेको छ ।
यसमा ओली पक्ष सहमत भैसकेको छैन । अध्यक्ष ओली र नेता नेपालले तीन दिनको समयसिमा दिएर विवाद समाधान गर्न कार्यदललाई भनेका छन् ।
