काठमाडौँ। प्रभु बैंकले पशुपति विकास कोषलाई हाइड्रोलिक गाडी हस्तान्तरण गरेको छ।
बैंकले सामाजिक उत्तरदायित्वअन्तर्गत कोषलाई फोहोर उठाउन मिल्ने हाइड्रोलिक गाडी प्रदान गरेको हो ।
सोमबार बैंकका कार्यकारी निर्देशक अशोक शेरचनले संस्कृति, पर्यटन तथा नागरिक उड्डयन मन्त्री सुदन किराँतीलाई उक्त गाडीको चाबी हस्तान्तरण गर्नुभयो ।
बैंकले पशुपति क्षेत्रमा दैनिक सिर्जना हुने फोहोरजन्य सामग्री व्यवस्थापनका लागि गाडीले थप सहयोग पुग्ने अपेक्षा गरेको छ।
उक्त गाडीको मूल्य १७ लाख रुपैयाँ लागेको बताइएको छ । टाटाको एस हपर सिरिजको टिपर दैनिक संचालनका लागि एक चालकलाई पारिश्रामिक स्वरुप २५ हजार रुपैयाँ व्यवस्था गर्ने मन्त्रालयले जनाएको छ।
मन्त्रालयले एक वर्षका लागि पारिश्रामिक वापत तीन लाख रुपैयाँ उपलब्ध गराउने छ ।
बैंकले आगामी दिनमा पनि मन्त्रालय र कोषसँगको सहकार्य गरेर अघि बढ्ने योजना बनाएको बैंकका कार्यकारी अध्यक्ष शेरचनले बताउनुभयो । बैंकले आफ्नो सामाजिक उत्तरदायित्व अन्तर्गत विभिन्न क्षेत्रमा सहयोग गर्दै आएको छ।
