काठमाडौं ।नेकपा (एमाले) का सचिव सांसद योगेश भट्टराईलाई बिहीबार इलाममा कालो झण्डा देखाइएको छ।
७२ औं मदन भण्डारी जन्मजयन्तीको अवसरमा मदन भण्डारी फाउन्डेसन इलामले आयोजना गरेको कार्यक्रममा सहभागी हुन इलाम पुगेका भट्टराईलाई कोशी प्रदेश नामाकरणको विषयलाई लिएर पहिचानवादीहरुले कालो झण्डा देखाएका हुन् ।
यसअघि सांसद भट्टराईले प्रदेश १ को नाम कोशी राखेको कुराको समर्थन गरेका थिए। पहिचानवादीहरुले योगेश भट्टराई मुर्दावाद, पहिचान विरोध होसियार, कोशी प्रदेश मान्दैनौंलयायतको नारा लगाएका थिए ।
यसअघि एमाले अध्यक्ष केपी शर्मा ओलीमाथि पनि पहिचानवादीहरुले पटक पटक आक्रमणको प्रयास गरेका थिए ।
