एजेन्सी । मंगलबार इन्डियन प्रिमियर लिग (आईपीएल) को ६३औं खेलमा लखनउ सुपर जाइन्ट्सले मुम्बई इन्डियन्सलाई पाँच रनले पराजित गर्यो । यो जितसँगै लखनउ प्लेअफको नजिक पुगेको छ । डिफेन्डिङ च्याम्पियन गुजरात टाइटन्स प्लेअफमा पुग्ने एक मात्र टोली रहेको छ । उसको १८ अंक छ । प्लेअफमा पुग्ने अन्य तीन टोलीमध्ये उसलाई कसैले पनि पछि पार्न सक्दैन । दिल्ली क्यापिटल्स र सनराइजर्स हैदरावाद बाहिरिएका छन् । अब बाँकी तीन स्थानका लागि सात टोली प्रतिस्पर्धामा छन् र लिग चरणका सात खेल मात्र बाँकी छन् ।
चेन्नई सुपर किंग्स
महेन्द्र सिंह धोनीको टोली चेन्नई सुपर किंग्सको १३ खेलमा १५ अंक छ । यदि चेन्नईले मे २० मा आफ्नो अन्तिम लिग खेलमा दिल्ली क्यापिटल्सलाई हराएमा प्लेअफमा पुग्ने छ । अर्कोतर्फ, यदि उसले हार्यो भने उसको मात्र १५ अंक हुनेछ । यस्तो अवस्थामा चार टोलीले १६ वा सोभन्दा बढी अंक बनाउन सक्ने भएकाले उसको कठिनाइ बढ्नेछ ।
लखनउ सुपरजायन्ट्स
लखनउको पनि १३ खेलमा १५ अंक छ, तर नेट रनरेटमा चेन्नईभन्दा पछाडि छ । उसले मे २० मा कोलकाता नाइट राइडर्ससँग खेल्नेछ । यदि उसले जित्यो भने उसको १७ अंक हुनेछ र प्लेअफमा पुग्नेछ । तर, यसका बाबजुद पनि उसको दोस्रो स्थान भने तय भएको छैन । यदि चेन्नईले आफ्नो अन्तिम खेलमा पनि जित्यो भने दुवै टोलीको १७–१७ अंक हुनेछ र त्यसपछि राम्रो नेट रनरेट भएको टोली दोस्रो स्थानमा हुनेछ । अर्कोतर्फ लखनउ कोलकातासँग हार्यो भने कठिनाइ बढ्नेछ ।
चेन्नई, मुम्बई, रोयल च्यालेन्जर्स बैंगलोर र पञ्जाव किंग्सले उनलाई पछाडि छोड्ने मौका पाउनेछन् । यस्तो अवस्थामा लखनउको जम्मा १५ अंक छ, त्यसैले यी चारमध्ये दुई टोलीले १६ अंक नल्याउन् भन्ने लखनउ चाहनछ ।
मुम्बई इन्डियन्स
मुम्बई इन्डियन्सको १३ खेलमा १४ अंक छ । यदि उसले आफ्नो अन्तिम लिग खेलमा सनराइजर्स हैदरावादलाई हराएमा उसको १६ अंक हुनेछ । पञ्जाव र आरसीबीले पनि १६ अंक जोड्ने मौका पाउनेछन् । यी परिस्थितिहरूमा नेट रन रेट धेरै महत्त्वपूर्ण हुनेछ । चेन्नई र लखनउले आ–आफ्ना खेल हारे भने जितपछि मुम्बईको बाटो सहज हुनेछ । त्यसपछि उसले चेन्नई र लखनउ (१५–१५) भन्दा बढी अंक प्राप्त गर्नेछ । अर्कोतर्फ, यदि मुम्बईको टोलीले हार्यो भने उसको मात्र १४ अंक हुनेछ र त्यसपछि प्लेअफमा पुग्न निकै कठिन हुनेछ ।
रोयल च्यालेन्जर्स बैंगलोर
आरसीबीको टोलीले राजस्थानमाथि ठूलो जित हात पार्दै अंक तालिकामा ठूलो फड्को मारेको छ । उ पाँचौ स्थानमा पुगेको छ । उनको नेट रनरेट ०.१६६ छ । फाफ डुप्लेसिस र विराट कोहलीको टोलीले आफ्ना बाँकी दुई खेलमा सनराइजर्स हैदरावाद र गुजरात टाइटन्सलाई हराए पनि प्लेअफमा स्थान पक्का हुने छैन । उसले अन्य टोलीको नतिजामा भर पर्नु पर्नेछ । एक खेल हारेपछि उसको अवस्था बिग्रन्छ । यसपटक १४ अंकसहित प्लेअफमा पुग्न कठिन देखिन्छ ।
राजस्थान रोयल्स
राजस्थानले १३ खेल खेलेको छ । जसबाट उसले १२ अंकमात्रै जोडेको छ । राजस्थानको नेट रनरेट ०.१४० छ । उसले अन्तिम खेल पञ्जाव किंग्ससँग खेल्दैछ । पञ्जावविरुद्ध जित्यो भने उसको १४ अंक हुनेछ । यस्तो अवस्थामा अन्य टोलीको नतिजा आफ्नो पक्षमा भएमा प्लेअफमा पुग्न सक्छ । गत वर्षको उपविजेता राजस्थानको टोली अब यस आईपीएलमा भाग्यमा भर परेको छ ।
यदि आरसीबी, लखनउ सुपर जायन्ट्स र पञ्जाव किंग्सले आफ्ना दुवै खेल हारे र सनराइजर्सले गुजरात वा मुम्बईसँगको कुनै पनि खेल हारे भने राजस्थानको टोली यस्तो अवस्थामा १४ अंकसहित अगाडि बढ्न सक्छ । यसो भएमा चौथो स्थानका लागि राजस्थान र कोलकाताबीच भिडन्त हुनेछ । त्यसपछि सञ्जु सामसनको टोली राम्रो नेट रनरेटको आधारमा अगाडि बढ्न सक्छ ।
पञ्जाव किंग्स
पञ्जावको १२ खेलबाट १२ अंक छ । उसले दिल्ली क्यापिटल्स र राजस्थान रोयल्ससँग खेल्नुपर्नेछ । १६ वा सोभन्दा बढी अंक प्राप्त गर्न सक्ने ६ टोलीमध्ये पन्जाव छ । यदि उसले दुबै खेल जित्यो भने उसको १६ अंक हुनेछ । तर उसको नेट रनरेट निकै कम छ । पञ्जावले दुवै खेलमा ठूलो जित निकाल्नुपर्छ, नत्र अन्य टोलीको नतिजामा पनि भर पर्नु पर्नेछ । एक खेल मात्रै हारेमा पनि उसको १४ अंक हुनेछ र त्यसपछि उसले धेरै टोलीको नतिजामा नजर राख्नुपर्नेछ ।
कोलकाता नाइटराइडर्स
कोलकाताको १३ खेलबाट १२ अंक छ । उसले लखनउ सुपरजाइन्ट्ससँग खेल्न बाँकी छ । यदि कोलकाताले त्यो खेल जित्यो भने उसको १४ अंक हुनेछ । यो जितको बावजुद उ सिधै प्लेअफमा पुग्न सक्दैन । सुपर जायन्ट्सलाई हराएपछि कोलकाताले आशा गर्नेछ कि तीन भन्दा बढी टोलीले १४ अंक पार नगरुन् । कोलकाताले त्यसपछि नतिजा र अन्य टोलीको नेट रनरेटमा भर पर्नु पर्नेछ ।
अंकतालिका:
