एजेन्सी । एजेन्सी । इन्डियन प्रिमियर लिग (आईपीएल) –१६ को ५० औँ खेल शनिबार राति अरुण जेटली स्टेडियममा दिल्ली क्यापिटल्स (डिसी) र रोयल च्यालेन्जर्स बैंग्लोर (आरसीबी) बीच भएको थियो । सो खेलमा दिल्लीले ७ विकेटले जित हात पारेको छ । यो खेलपछि भारतीय पूर्व कप्तान विराट कोहली र सौरभ गांगुली हात मिलाउँदै देखिएका थिए । यसअघि दुवैबीच मनमुटाव भएको खबर आएको थियो ।
बैंगलोर र दिल्ली प्रतियोगितामा दोस्रो पटक आमनेसामने भएका हुन् । दुवै टोली १५ अप्रिलमा बैंगलोरमा भिडेका थिए । उक्त खेल बैंगलोरले २३ रनले जितेको थियो । गांगुली दिल्ली क्यापिटल्सका निर्देशक हुन् । खेलको एक समयमा कोहली बाउन्ड्री लाइनमा फिल्डिङ गरिरहेका थिए । फिल्डिङ गर्दा कोहलीले गांगुलीलाई हेरे पनि गांगुलीले विराटलाई पटक्कै हेरेनन् । यति मात्र होइन, जब खेलपछि दुवै टोलीका खेलाडी र कर्मचारीले हात मिलाए, तब पनि कोहली गांगुलीभन्दा अगाडि गए । दुवैले हात मिलाएनन् ।
स्रोतका अनुसार गांगुली र कोहलीबीच केही कुरालाई लिएर विवाद भएको बताइएको छ । त्यसैले दुवैले हात नमिलाए पनि शनिबारको खेलपछि भने दुवै जना मुस्कुराउँदै हात मिलाएका थिए ।
कोहली र बीसीसीआई अध्यक्ष गांगुलीबीचको विवाद
२०२१ मा कोहलीलाई एकदिवसीय र टी–२० कप्तानबाट हटाएपछि बीसीसीआईका तत्कालीन अध्यक्ष सौरभ गांगुलीले एक मिडिया हाउससँगको कुराकानीमा भने कि ओडीआई कप्तानी सम्हाल्नुअघि कोहलीसँग कुरा भएको थियो र उनको सहमतिपछि कोहलीलाई कप्तानबाट हटाइएको थियो ।
गांगुलीले भनेका थिए कि बीसीसीआईले विराटलाई टी–२० कप्तानबाट नछोड्न आग्रह गरेको थियो, तर विराटले मानेनन् र राजीनामा दिए । सीमित ओभरको क्रिकेटमा दुई फरक कप्तान राख्ने निर्णय उनलाई मन परेन । यसपछि उनले चेतन शर्मासँग विराटलाई राखेर कुरा गरे र उनलाई सम्पूर्ण भिजन बताए । यसपछि मात्र रोहितलाई दुवै ओडीआई र टी–२० को कप्तान बनाइएको थियो ।
यसपछि विराटले पत्रकार सम्मेलनमा गांगुलीको भनाइलाई गलत भनेका थिए । उनलाई बीसीसीआईका अधिकारीहरूले ९० मिनेट अगाडि भनेका थिए कि अब उनको स्थानमा रोहित ओडीआई टोलीको कप्तान हुनेछन् ।
यसअघि बीसीसीआईले उनीसँग कुनै वार्ता गरेको थिएन । कोहलीले भने, ‘जब मैले टी–२० को कप्तानी छोडेको थिएँ, म सबैभन्दा पहिले बीसीसीआई गएँ । आफ्नो निर्णयबारे जानकारी गराए । मैले आफ्ना विचार र चिन्ताहरू राखें । बोर्डले यसलाई स्वीकार गर्यो र मेरो कठिनाइ बुझ्यो । एकपटक पनि उनले मलाई मेरो निर्णयमा पुनर्विचार गर्न भनेनन् ।’
