एजेन्सी । फिल्म ‘लाल सिंह चड्ढा’को बक्सअफिसमा असफलतापछि आमिर खानले फिल्मबाट ब्रेक लिएका छन् ।
गत वर्ष अभिनेताले च्याम्पियन फिल्मको घोषणा गरेका थिए तर त्यो अलपत्र परेको थियो । यसैबीच आमिर खान छिट्टै काममा फर्किने खबरहरु आइरहेका छन् । आमिर २००८ को सुपरहिट रिभेन्ज ड्रामा फिल्म ‘गजनी’को सिक्वेल बनाउन लागेका हुन् ।
यतिबेला उनी फिल्मको बारेमा निर्मातासँग छलफल पनि गरिरहेका छन् । यद्यपि यस विषयमा आमिरको तर्फबाट आधिकारिक जानकारी भने आएको छैन ।
पिपिङमुनको रिपोर्ट अनुसार आमिर खान ‘गजनी २’ को लागि साउथतर्फ लागेका छन् । अभिनेता अल्लु अर्जुनका पिता अल्लु अरविन्दसँग काम गर्न चाहन्छन्, त्यसैले उनीसँग कुरा गर्न उनी धेरै पटक हैदरावाद गएका छन् ।
फिल्मलाई लिएर यी दुईबीच चर्चा चलिरहेको छ । स्रोतका अनुसार गत हप्ता पनि आमिर खानले अल्लु अरविन्दलाई भेटेका थिए । दुबैले धेरै प्रोजेक्टको बारेमा कुरा ग रे। दुवै सँगै काम गर्न निकै उत्साहित छन् ।
स्रोतका अनुसार अल्लु अरविन्द र आमिरबीच ४–५ महिनादेखि पटक–पटक भेट हुँदै आएको छ । तर आयोजनासँग सम्बन्धित सबै कुरा गोप्य राखिएको छ । यस परियोजनामा अझै वार्ता जारी छ, अझै केही पुष्टि भएको छैन ।
आमिर र अल्लु अरविन्द दुवै सञ्जय सिंघानियाको कथालाई अगाडि बढाउन चाहन्छन् र केही महिनामा स्क्रिप्ट फाइनल गर्ने बताइएको छ । हालसम्म यो योजना पूर्ण रुपमा गोप्य राखिएको छ ।
